Энэ жил 8 багийн мал тоолох ажилд нийт 50 гаруй хүн ажиллаж байна. Багийн Засаг дарга нар болон тоологч нарт тусгайлан семинар хийж, мал тооллогыг чанартай зохион байгуулахаар үүрэг даалгавар өгөгдсөн.

Малыг нуун дарагдуулахгүй бүрэн тоолуулах нь малчдад ямар ашигтай болох талаар урьдчилан мэдээлэл өгөхийг багийн Засаг дарга нарт даалгав. Ноос, арьс ширний урамшуулал, малын хулгайн гэмт хэргээс урьдчилан сэргийлэхэд чухал ач холбогдолтой болохыг малчин бүрт ойлгуулах шаардлагатай байна.