ГЭМТ ХЭРЭГ, ЗӨРЧЛИЙН ТАЛААРХ ЭХНИЙ 11 САРЫН МЭДЭЭЛЭЛ.
Энэ оны 11 дүгээр
сарын байдлаар тус сумын хэмжээнд бусдын бие махбодид болгомжгүй гэмтэл
учируулсан 9, хулгайлах гэмт хэрэг 4 үүнээс иргэдийн өмчийн хулгай 1, малын хулгайн гэмт хэрэг 3, бусад хэрэг 2 гарч нийт 15
гэмт хэрэг бүртгэгдсэн.
Гэмт хэргийн гарсан
газрыг судлаж үзвэл Баянзүрх багт 2, Билүү багт 4, Даян багт 1, Ойгор багт 1, Хөх хөтөл багт 1, Улаан эрэг багт 4, Хулжаа
багт 2 гэмт хэрэг гарч шалгагдсан байна.
Уг гарсан 15 гэмт
хэрэгт 21 хүн холбогдон шалгагдсан. Гэмт хэргийн улмаас байгууллага, аж ахуйн нэгж, иргэнд учирсан 74 сая төгрөгийн
хохирлоос, 34 сая төгрөгийн хохирол буюу 45.9. хувийг нөхөн
төлүүлж, 40.3 сая төгрөгийн хохирлыг битүүмжилэн
ажилласан байна.
Энэ онд тус иргэд,
байгууллага, аж ахуйн нэгжээс гэмт хэргийн шинжтэй 27 өргөдөл, гомдол, захиргааны зөрчлийн шинжтэй 58, нийт 85
гомдол хүлээн авч шалган 34 хүнийг 955.000
төгрөгөөр торгож арга хэмжээ авч, зөрчил гаргасан 12 хүнийг шүүхээр 7-30 хоногоор баривчлуулан, 12 хүний тээврийн хэрэгсэл
жолоодох тусгайлан олгосон эрхийг 06 сараас 2
жилийн хугацаагаар хасаж ажилласан.
Хэсгийн цагдаагийн
алба хаагч нар 197 хүнийг 986.000 төгрөгөөр торгож хариуцлага тооцон ажилласан байна.
Сумын Засаг даргын
тамгын газрын холбогдох ажилтанууд аймгийн Мэргэжилийн хяналтын байцаагч, Цагдаагийн газрын ажилтануудын хамт Хөх
хөтөл, Ойгор, Согог, Хулжаа багийн 150-иад иргэд, сумын төвийн байгууллагуудын
алба хаагч болох 60-иад иргэнд гэмт хэрэг зөрчлөөс урьдчилан сэргийлэх, хил
орчмын малын хулгайн хэргээс сэргийлэх талаар 3
удаа яриа таниулга хийж ажилласан.
Согтууруулах ундаа
хэтрүүлэн хэрэглэсэн үедээ гэмт хэрэг, зөрчил гаргасан 16 хүнийг түр саатуулах байранд хүргэж, мөн согтууруулах ундааны
зүйл уусан үедээ хаана байгаа болон очих
газраа мэдэхгүй байсан 68 хүнийг ар гэрт нь хүлээлгэн өгсөн.
Аймгийн Засаг даргын
зөвшөөрөлгүйгээр гар дээрээс согтууруулах ундааны зүйл худалдалсан 12 иргэнээс
1.011.150 төгрөгийн согтууруулах ундааг улсын орлого болгож сумын төсөвт оруулан, 120 шил архи, 45 ширхэг пивог
усатгуулан ажилласан.
СУМЫН ГЭМТ ХЭРГЭЭС УРЬДЧИЛАН СЭРГИЙЛЭХ
САЛБАР ЗӨВЛӨЛ.