Тус сумын 4 дүгээр багийн "Бабөбек" хүүхдийн цэцэрлэгт  " Талын нүүдэлчдийн эх булаг" ТББ-ын зүгээс хөдөөгийн хүүхдийг СӨБ-д хамруулахад дэмжлэг болгон УАЗ 469 машины бэлэглэв. Уг машинаар алслагдсан малчдын хүүхдүүдийг цэцэрлэгт авч ирэх, гэрт нь хүргэх юм байна. Машин хүлээлгэн өгөх ажиллагаанд сумын ИТХ-ын дараг Н. Айдолда, Засаг даргын орлогч Ж. Тилеген, ЗДТГ-ын дарга А. Хонырат, татварын улсын байцаагч З. Шохан нар оролцов. "Талын нүүдэлчдийн эх булаг" ТББ-ын тэргүүн Хазидолда овогтой Лена нь тус сумын угуул ба 2005 оноос гадаадын байгууллагуудын санхүүгийн дэмжлэгээр сумын боловсрол, эрүүл мэндийн салбарт нэг тэрбум гаруй төгрөгийн хөрөнгө оруулаад байгаа нь хөдөө орон нутаг боловсрол, эрүүл мэндийн салбарыг хөгжүүлэх үйлсэд чухал хувь нэмэр болж байна. Х. Ленад нутгийн иргэд баярлаж талархасанаа илэрхийлэв.