Сумын орчны бүсийн зөвлөлийн хуралдаан болж дараахь асуудлуудыг хэлэлцэж шийдвэрлэв. Тус сумын нийт газар нутгийн 134 000 га газар тусгай хамгаалалттай газар нутагт хамарагдаж байгаа. Алтайн таван богдын болон Сийлхэмийн нурууны тусгай хамгаалалттай газар нутаг манай сумын нутагт байдаг.
Уг тусгай хамгаалалттай газар нутгийн  менжементийг сайжруулах, орчны бүс дэх ард иргэдийн тогтвортой амьжиргааг дэмжих чиглэлээр ХБНГУ-ын санхүүжилтээр хэрэгжих "Биологийн олон янз байдлыг хамгаалах, уур амьсгалын өөрчлөлтөд даасан зохицох" төсөлд санал хүргүүлэхийг Орчны бүсийн зөвлөлийн даргад үүрэг болгов.
Тусгай хамгаалалттай газар нутагт байгаа ан амьтаныг хамгаалах, хууль бус ан агнахаас урьдчилан сэргийлэх зорилгоор иргэдэд санамж бичиг тараах, өвөлжилтийн байдал хүндэрсэн үед ан амьтанд өвс, хужир тавих ажлуудыг зохион байгуулахаар болов.